Is-Sotto Kumitat Armar twaqqaf nhar it-23 ta’ Jannar 2000, bl-approvazzjoni tal-Kumitat Ċentrali u x-xewqa ta’ ħafna soċi taħt it-tmexxija tac-Chairman is-Sur John Tanti. Dan kien t’għajnuna kbira sabiex b’hekk ikun aktar organizzat l-armar tal-festa. Minn dik il-ġurnata ‘l quddiem qatt ma ħarisna lura. Matul is-snin dejjem għaddejna minn proġett għall-ieħor u dawn dejjem saru b’sagrifiċċji kbar. Dan is-sotto kumitat beda wkoll jorganizza attivitajiet fejn dejjem ikollna preżenza sabiħa ta’ nies. Aħna dejjem nistiednu aktar nies jingħaqdu magħna, sew fl-attivitajiet li jiġu organizzati, fi żmien il-festa u anke dawk ta’ matul is-sena. 

Is-Sotto Kumitat Armar dejjem jirringrazzja lil dawk il-membri kollha tas-Soċjetà li b’xi mod ikunu ta’ għajnuna matul is-snin kollha u lill-benefatturi kbar u żgħar li bl-għajnuna tagħhom nistgħu nwettqu x-xogħol kollu li jsir b’risq il-festa li aħna tant inħobbu, il-festa ad unur Santa Katarina V. M. Patruna Titulari taż-Żurrieq.