Is-Sotto Kumitat Nar inħoloq bil-għan li jassisti lil-Licencee fit-tmexxija tal-operat tas-St. Catherine Fireworks Factory. Barra minn hekk il-maġġoranza tax-xogħol huma li jinġabru fondi għall-manifattura tan-nar. Dan il-ġbir isir permezz tal-attivitajiet u billi jilqa’ donazzjonijiet. 

Is-Sotto Kumitat huwa ukoll responsabbli għall-manutenzzjoni u sigurtà ġewwa l-Fabbrika tan-Nar.

Minħabba li l-ispejjeż għall-materjal dejjem qed jogħla, is-sotto kumitat flimkien mal-pirotekniċi ħassew il-bżonn li jibda jsir bejgħ tan-nar.